حل مشكله ايقاف الحملات ومشكله جوجل كروم لبرنامج Sender Pro

حل مشكله ايقاف الحملات ومشكله جوجل كروم لبرنامج Sender Pro
حل مشكله ايقاف الحملات ومشكله جوجل كروم لبرنامج Sender Pro 

 

السلام عليكم ورحمه الله وبركاته 

معظمنا بتقابله مشكله عند تشغيل الحملات يعني مثلا بيعمل الحمله ومطبق كل الخطوات مضبوط ويلاقي الحمله وقفت بعد عدد قليل او وقفت بدون اى سبب ودي ممكن تقابل معظمنا مش الكل 
هنتعرف عن ايه هيا المشكله وايه سببها وبعدين نحلها على طول 

المشكله هي : توقف الحملات فى بعض الاحيان ممكن تكون عامل حمله ل1000 عميل وفجاءه يقف بعد 200 او 400 رغم انك عامل كل الخطوات صحيحه 

السبب : بكل بساطه معظم ادوات التسويق بتعتمد على جوجل كروم لان احنا بنعمل اتصال بجوجل كروم في اجهزه متعدده مننا بتلاقي ان الكروم بيسحب كثيررر اوي اوي من اداء الجهاز عندك بالاضافه انه كمان بيفصل الاتصال مع البرنامج بسبب موضوع السحب ده بالتالى بيظهرلك مشكله التوقف ولازم تضغط على بدء تاني على يكمل الحمله 

حل المشكله : (لازم تركز معايا فى كل خطوه الموضوع سهل بس محتاج تركيز وهشرحلك من تحت الصفر )
هيعتمد الحل اننا نشتغل بااصدار قديم من جوجل كروم وده اصدار خفيف جدا جدا مع منع الاصدار انه يعمل تحديث يعني مثلا اكون شغال على اصدار 76 من جوجل كروم الاقيه عمل تحديث لوحده لا احنا بقا هنمنعه يعمل التحديث ده 

1- هنبدء اننا ننزل اصدار قديم من جوجل كروم زي اصدار مثلا 76 او 78 دول افضل اصدارين من جوجل خفاف جدا للجهاز وفيه نفس الامكانيات والمميزات للاصدار الاخير تابع مع الفيديو 


2- هنروح نحمل الملف اللى بيخليه يتوافق مع هذا الاصدار بمعني البرنامج متوافق مع اخر اصدار من جوجل كروم ودلوقتي احنا هنشتغل على اصدار قديم بالتالى هاجي اشغل البرنامج هيقابلني مشكله ومش هيرضي يشتغل تابع مع الفيديو 


3- دلوقتي احنا نزلنا الاصدار بس لسه مش عملناله تسطيب قبل مااروح اعمل تسطيب للبرنامج جوجل كروم للاصدار اللى نزلته فى اول فيديو لازم الاول امسح الاصدار اللى عندي وبعد ماامسح الاصدار اللى عندي هروح على البرنامج جوجل كروم واضغط عليه ضغطتين وهنتظر ثواني وهيتسطب مباشره وعلشان تحذف اصدار جوجل كروم اللى عندك وتسطب اللى نزلته فى اول فيديو لازم تتابع مع الفيديو ده


4- كده لو شغلنا البرنامج هيشتغل بدون اى مشكله بس هتواجهنا اخر مشكله وهي تحديث جوجل كروم يعني انا لو رسترت الجهاز جوجل كروم عندي هيتحدث مباشره وهضطر اعمل نفس الخطوات مره تانيه 
طيب ايه الحل ؟! احنا هنروح على الملف المسؤل عن عمل تحديث لجوجل كروم وهنغير اسمه بالتالى مش هيقرا مع جوجل كروم ومش هيعمل تحديث حتي لو رسترت الجهاز مليون مره ولما تحب تعمل تحديث لجوجل كروم هترجع اسمه كما كان تابع الفيديو ده 



بالشكل ده مستحيل جوجل كروم يقدر يعمل اى ابديت تلقائيا لانى منعته بشكل غير مباشر وممكن امسح الملف بتاع الابديت اللى انا شرحته فى الفيديو بس لو مسحته وجيت فى يوم تحب تعمل ابديت مش هتعرف لانك مسحت الملف خالص 
وبكده مستحيل تقابلك مشكله توقف الحملات مره اخري وهتقدر تشتغل بحريه وبدون اى مشكله 

اتمني من الله عز وجل ان اكون قد وفقت فى كتابه وتنسيق هذا المقال 
تحياتي لكم جميعا . والسلام عليكم ورحمه الله وبركاته 



شارك الموضوع
تعليقات
إعلان