شرح بيع المنتجات للعملاء المهتمين على الواتساب

بسم الله الرحمن الرحيم

دايما بتسائل نفسك ازاي تبيع المنتجات لعملائك او لعملاء المنافسين او لعملاء جدد على الواتس اب ، وبتقابلك مشكله فى انك مش عارف تسوق بشكل صحيح على الواتساب ، ومن اهم المشاكل اللى بتقابلك وهي مشكله الحظر

ومنين وازاي اشتري ارقام ؟ وايه الفرق بين الارقام القديمه والجديده ؟ والكثير من الاسئله

وفي هذه المقاله سنناقش هذه الاساسيات والمبادئ للتسويق على الواتساب

هتتعلم الاساسيات بالكامل من الالف الى الياء

هتتعلم التسويق للمبتدئين الى الاحتراف

شرح بيع المنتجات للعملاء المهتمين على الواتساب

4 عناصر بتعتمد عليهم اى حمله تسويقيه علي الواتس اب (ملحوظه المنشور هيكون طويل شويتين )

1- القنوات المستخدمه

2- نوع العملاء المستهدفين

3- المحتوي الاعلاني

4- متابعه العملاء

وهشرحلك تقدر تبعت قد ايه كل يوم وبتتحدد ازاي وبتعتمد على ايه

تعالو نتكلم بتفصيل شويه عن كل عنصر فيهم بس الاول نسائل شويه اسئله ونجاوب عليها

1- هل هقدر اسوق على الواتساب لاي منتج ولاي شركه ولاي عدد اشخاص واى فئات من العملاء ؟

بكل تاكيد نعم

2- هل هقدر ابعت الالاف العملاء اليوميه بدون فهم ودراسه للاساسيات الواتساب واللى هتكلم عن بعضها فى هذا المنشور ؟

للاسف لا لازم تكون عندك خبره عن بعض الاساسيات واللى هتكلم عن جزء منها فى المنشور ده

3- بحتاج ايه غير البرنامج علشان اعمل حملات ناجحه واجهز لتاسكات كبيره ؟

*- هتحتاج ارقام *- محتوي اعلاني كويس *- استهداف مضبوط *- متابعه العملاء

طيب دلوقتي بقت ماجاوبنا على ال3 اسئله تعالو نرجع للعناصر ونفهمها

انا دلوقتي محتاج ابعت للعملاء على الواتس وبالاخص عاوز ابعت ما لا يقل عن 50 الف يومي واسبوعي وشهري

ازاي اعمل كده وهل هقدر اعمل كده فى يوم او اسبوع او شهر فى اول استخدامي للارقام ؟؟

شرح بيع المنتجات للعملاء المهتمين على الواتساب

1- القنوات المستخدمه : (بااختصار )

مبدئيا انت بتحتاج ارقام او بنسميها قنوات على الواتس وطبعا ممكن تلاقي اشخاص كثيره بتوفرها او مواقع وتقريبا الرقم سعره لا يزيد عن 15ج نظرا ان الرقم بتتسخدمه للواتس فقط

وعلشان افعل القنوات دي كلها بحتاج برنامج بيعمل نسخ للتطبيقات فممكن استعين بتطبيق سوبر كلون super clone وده هيسمحلى انى افتح قنوات الواتس

وان تكون الارقام من نفس الدوله المقيم منها

اذا كنت من مصر يجب ان تكون الارقام مصريه وهكذا

2- نوع العملاء :

مهم اوي اوي انك تختار العميل اللى فاهم او مهتم بالمنتج او العرض يعني مثلا مروحش اجيب عملاء مهتمين بالعربيات وابعتلهم عروض بهدوم او العكس صحيح وامثله كثيره خاطئه

لازم العملاء اللى هستخدمهم اما عملائي او عملاء محتملين او عملاء مهتمين او عملاء مشابهين لجمهوء او عملاء مخصصين (موقعك ) ... الخ

فلازم اكون فاهم كويس اوي ان الحمله ونجاحها بعد التوفيق من الخالق جل وعلا ان نجاحها متوقفه علي العملاء بنسبه 30%

3- المحتوي :

لو قولتلك ان المحتوي هو النسبه الاكبر اللى بتعتمد على ان الحمله تنجح او لا بعد فضل ربنا علينا مش هتصدق بس ده حقيقي

بالضبط حقيقي ان المحتوي هو النسبه الاكبر فى نجاح الحملات هو اللى بيدي انطباع للعملاء وبيحدد هو هيشتري ولا لا وعنده القدره الشرائيه انه يشتري دلوقتي ولا وبعدين وايه انطباعه على المحتوي

يعني محتوي طويل وان العميل مش بيحب الرغي الكثير ولا العملاء اللى بتبعتلهم قدرتهم انك تبعتلهم محتوي طويل ويقرءوا .... الخ

المحتوي هو اقوي مافي الحمله ولو قدرت تضبط محتوي صح على تفكير العميل اللى بتبعتله بالنسبه الى تنسيق الوقت المضبوط اللى هتبعتله المحتوي الترويجي فااقدر اقولك انك مسكت 50% من نجاح الحمله بعد توفيق الخالق جل وعلا

4- المتابعه :

اهم مايميزك هو انك تتابع مع العملاء والكلام ده بقوله لنفسي قبل اى شخص كلنا مقصرين بالفعل فى حق الخالق وحق نفسنا وحق عملائنا ولكن الذكاء انك دائما تحاول تقلل الفجوه والتقصير ده

لو العميل اللى بتبعتله حس انك مهتم بيه ومهتم تقدمله افضل ماعندك فهتكون كسبت نسبه جديده تضاف الى نجاح الحمله

اصل مثلا انت بتبعتلى محتوي فعاوز اعرف التفاصيل فالاقي انك بتردي بعد يومين ثلاثه بالتالى انا هشوف بديل لغيرك على طول

فلازم تتابع العميل تقدر تقول انك لو تابعت العميل كويس واهتميت انك ترد عليه اول بااول بقدر الممكن فااقدر اقولك انك مسكت 10% من نجاح الحمله بعد توفيق الخالق جل وعلا

فاضل بقا 10% وده اللى بيعتمد عليه استخدامك هل اقدر ابعت لالالاف يوميا او اسبوعيا او شهريا ؟ وهل اقدر اتجنب الحظر ؟

خليني اقولك انك لو معاك ارقام جديده فحط فى دماغك انك هتشتغل عليها لمده شهر مجرد شغل خفيف يعني فى اول شهر ممكن بالكثير اوي لو معاك مثلا 10 ارقام تبعت ل5 الاف او 10 الاف بالكثير

والسبب بقا :

ان الارقام جديده

علشان ابعت للعميل لازم ابعت بعدد معين علشان بوت الواتس المربوط بapi ميرزعكش بان

كمثال :

ارقام جديده يبقا هبعت فى اول يوم من كل رقم مثلا 25 عميل بفاصل زمني 700 او 800 ثانيه

ثاني يوم هزود العدد اللى هبعتله مثلا 35 عميل بفاصل زمني 780 ثانيه

ثالث يوم هزود العدد اللى هبعتله مثلا 50 عميل بفاصل زمني 750 ثانيه

رابع يوم هزود العدد اللى هبعتله مثلا 70 بفاصل زمني 720 ثانيه

وههكذل لذلك قولتلك ان اول شهر انك هتستخدم الارقام بشكل خفيف جدا علشان تقدر توصل الارقام ان كل رقم يبعت على الاقل 1000 او 2000 او 4000 يوميا

بس لازم تتاكد ان مفيش ارقام هتتخطي 10 الاف يوميا الا قليل جدااااا

ودائما تكون حريص ان الفواصل الزمنيه مهما قلت لا تقل عن دقيقتين ونص او دقيقتين وربع وهكذا

طيب معايا ارقام قديمه وعاوز ابعت منها ازاي اعرف الليمت اليومي بتاعها والفواصل بتاعتها ؟

بكل بساطه ابدء بعدد متوسط وبفواصل متوسطه

كمثال :

ارقام قديمه بس مش عارف اى حاجه عنها فهبدء النهارده مثلا 100 عميل بفاصل 500 ثانيه

ملحوووووووووووووظه مهمه جدااا :

كلمه يومي يعني بعد مرور 25 ساعه يعني يوم وساعه زياده

كمثال النهارده بعت الساعه 1 الظهر

بكره هبعت الساعه 2 الظهر

طيب احتماليه حظر القنوات بتعتمد على ايه ؟

*- العميل اللى بعتله لو المحتوي معجبهوش ممكن يكون سبب من اسباب الحظر علشان كده قولتلك تركز على المحتوي والعميل

*- انك متلتزمش بااى ليميت لكل رقم

*- عدم متابعه العميل بااستمرار

*- اساءه العميل = بلاغ = حظر للارقام

لو قرئت كلامي هتعرف بعدها ازاي تعمل التاسكات الاسبوعيه والشهريه الكبيره وده طبعا بعد تنشيط واستخدامك للقنوات بعد شهر او مده كويسه للاستخدام كما وضحت فى بعض الامثله بس هسيب ابداعك وتفكيرك تعمل انت التاسكات دي بعد قراءه للمنشور

خليني اقولك ايا كانت البرامج المستخدمه او المواقع او اي شئ سواء بالعملاق سيندر برو او بدونه فااعتماد الحظر اولا واخيرا من استخدامك.

كاتب المقاله : محمد المصري مدير Sender Pro V4